Skip to main content

Cameron: Baroor-diiq loo sameynayo 80 qof oo ku dhimatay shil tareen

Waxaa wali socda baaritaan lagu ogaanayo waxa sababay shilkanImage copyrightAFP
Image captionWaxaa wali socda baaritaan lagu ogaanayo waxa sababay shilkan
Waxaa dalka Cameron ka billowday maalin baroor diiq qaran ah ka dib markii shil tareen oo dalkaasi ka dhacay Jimcihii ay ku dhinteen 80 qof.
Tareenkan oo ahaa nooca rakaabka ayaa ka soo kici timay magaalada caasimadda ah ee Yaounde wuxuuna ku socday magaalada dekadda leh ee Douala halkaasi oo uu shilku ka dhacay.
Tareenka waxaa saarnaa in ka badan 1400 oo qof.
"Waxaan amray in la sameeyo baaritaan qoto dheer oo lagu ogaanayo waxa sababay shilka. Waxaan sidoo kale amar ku bixiyay in kharashka daweynta dadka dhaawacmay ay bixiso dowladda", ayuu yiri madaxweynaha dalka Cameron, Paul Biya oo ka hadlayay talefishinka qaranka.
Calamada ayaa hoos loo dhigay waddanka oo dhan taasoo qeyb ka ah baroor diiqada, sida uu ku soo warramay weriyaha BBC-da Richard Onanena oo ku sugan caasimadda Yaounde.
Waxaa wali socda dadaallo lagu doonayo in lagu aqoonsado kuwa ku dhintay shilkaasi.

bbc

Comments

Post a Comment

Popular posts from this blog

Bilicda Deegaanka iyo Duurjoogta Dalka Botswana

Sawirro aad u qurux badan oo laga soo qaaday bilicda deegaanka iyo duurjoogta dalka Botswana ee khaarad Africa   ANNA SOBOTKA Anna Sobotka oo markii u horaysay booqatay Afrika ayaa sheegtay "in aysan filaynin in ay aragto quruxda iyo sumcadda uu dalka Botswana leeyahay" sawirkan maroodiyada biyaha isku qaboojinayana waxay ka qaaday beerta xayawaanka ee Chobe National Park ANNE MAY Sawir kale oo Anne May ay ka soo qaaday beerata xayawaanka ee Chobe National Park, markanse waa Gari biyo cabaya PHILIP WILLMOTT Shinbir qurux badan oo duulaysa                                                                               PATRICIA MUELLER Geed wayn                               ...
Post a Comment
Read more

Sawirradii todobaadka ee Afrika: 18 - 24 August 2017

Waxaa laga soo xulay sawirradii ugu fiicnaa ee laga qaado Afrika iyo Afrikaanka dunida kale todobaadka. Lahaanshaha sawirka AFP Image caption Waa Sawir la qaaday 19 August, 2017 oo muujinaya haweeney qabta dhar midabbo leh intii laguguda jiray dabbaaldegga sannadlaha ah ee Chale Wote Street Art Festival oo ka dhacay James town, Accra. Gabar Accra kaga qayb galaysa dabbaaldegga sannadlaha ah ee Chale Wote Street Art Festival. Lahaanshaha sawirka AFP Image caption Sawirkan waxaa la qaaday August 19, 2017, waxaana ka muuqda kooxda qalaama rogadka oo dhoollatus samaynaya intii lagu jiray dabbaaldegga sannadlaha ah ee Chale Wote Street Art Festival Boqollaal isugu jira kooxaha qalaama rogadka, qoob ka cayaarka iyo kuwa dadka ka qosliya ayaa ka qayb galay dabbaal degga. Lahaanshaha sawirka AFP Image caption Dumar isku marxabbaynaya meel u dhow far waaweyn oo marka la akhriyo noqonaysa "Jollof", waa cunno laga jecel yahay Nayjeeriya iyo galbeedka Afrika, waana intii lagu jiray...
Post a Comment
Read more

“Waligey tan oo kale maan arag” Dhambaal naxdin leh oo ka yimid dhakhtar

Image copyright SYRIAN ARAB RED CRESCENT Image caption Dagaalka adag Dhakhaatiirtu way hadal beeleen Iyado dadkii nugulaa ee magaalada Xalab maalinimadii Arbacada laga raray gurigii hore ee dadka da'da ah ee ku dhaw furinta dagaalka ee magaalada, Dhakhtar ka tirsan hay'adda Laanqayrta cas oo qayb ka ahaa daadguraynta dadkaas ayaa BBC wuxuu u soo diray waraaqdan. Anigoo dhakhtar ahaan ugu shaqeynaya hay'adda laanqayrta cas ee caalamiga ah ee (ICRC) waxaan ku arkay wax badan Suuriya shanti sano ee la soo dhaafay, laakiin maan arag tan mid la mid ah. Waxaan isku daynay innaan gaarno bartamaha , waayo ma aynnan helin damaanad qaad amni oo muhiim ah. Dagaalku wuu xoogannaa. Sadex qof oo ku sugnaa xarunta ayaa dhintay xilligaas. Haddii aynnu heli lahayn ogolaanshiyo aynnu ku aadno guriga dadka waayelka, kaasi oo noqday gabaad illaa 150 qof, qaarkood waa naafo, qaar ayaa madaxa looga jiraa, inta kalana waa dad welwelsan oo aan aqoon jiho ay u dhaqaaqaan. Annaga, Ururka bi...
Post a Comment
Read more