Magaaladii Dhaqan Xumada ee la Halligay 19 Qarni ka Hor+sawiro

Dalka Talyaaniga waxaa ku taalla magaalo lagu magacaabo Pompeii oo in badan warbaahinta dunida ku naanaysto magaaladii Dhaqan xumada (Faaxishada). 

Magaaladani waxa ay ku taallaa oogada sare ee buur  dhererkeedu gaadhayo illaa 1200 oo mitir. Waxaana la aaminsan yahay in ay ku noolaan jireen dad ka badan 20 kun oo qof, 

oo u badnaa ganacsato aad u ladan, laakiin ay dhammaantood ku dhinteen qarax Fulkaane oo dhagaxii, holacii, dambaskii iyo burburkii ka dhashay uu daboolay magaalada oo dhan, dadkiina ka dhigay wax sida asnaam oo kale ah, 

dadkan ayaa illaa maanta dhex yaalla magaalada burburkeeda iyo goobo lagu ururiyey.

Sannadkii 79kii Dhalashadii Ciise kadib oo ku dhowaad 5 Qarni (492 sano) ka horreysay dhalashadii Nebi Muxammed (SCW) ayaa uu Fulkaanahani ku dhacay dadkan magaaladan ku dhaqnaa,

marka la arkay qaabka ay u yaallaan maydadku ay  khubarada hidde-raaca iyo aathaartu kala soo baxeen fikir ah in uu ruux kastaa naf-xarbigii dhimashada ka horreeyey uu ku dadaalay in uu noolaado,

xarakaad jidheed oo uu ku raadinayo badbaadana sameeyey, sida in uu ordo ama iska dul qaado uurada iyo burburka, 

laakiin aanay waxba u tarin, maadaama dhan walba magaalada iyo gudaheedaba ay kaga yimaaddeen buuro dab holcaya ah, xitaa dhinaca baddu ay ka xigtay.

Magaalada Pompeii waxa hadda lagu tiriyaa in ay tahay goobaha dalxiiska loo tago ee ugu muhiimsan uguna dadka badan dunida oo dhan, gaar ahaan qaaradda Yurub, 

Dad aad u tiro badan oo dalxiiseyaal ah ayaa isaga yimaadda daafaha dunida si ay indhahooda ugu soo arkaan waxa ku dhacay magaalada Pompeii iyo sidoo kale ficillada iyo dhaqannada illaa hadda laga arkayo maydadka ee ay Magaaladan  samayn jirtay.

Waxaa xusid mudan in sida taariikhda ku cad, hadhaadiga magaaladdan iyo maydadkana laga fahmi karo in dadka magaaladdan deggeni ay baraysteen dhaqanno fool xun, 

oo sinadu ugu horreyso, iyada oo illaa maanta la arkayo maydadka rag iyo dumar, rag iyo carruur, rag iyo dad isku jinsi ah oo shaaracyada magaalada Alle rogay uu maydkoodu ku qallafay iyaga oo ku gudo jira ficilladii sinada iyo anshax xumada ahaa. 

Sidoo kale waxa ay taariikhyahannada qaar xusaan in magaaladani ay caan ku ahayd ka ganacsiga jidhka.

pompeii maanta

pompeii xiligii hoere

Sawirada ilaa maata lugu arko Pompeii

Goobihii folkaanadda

Roma pompeii ee dalxiiska loo tago

 

Tiyaataradii  Hore

 

Tiyaaradda hadda

Qoraa;;qadar omar hassan

Email;qadaryoung@gmail.com

Xigasho;https://en.wikipedia.org/wiki/Pompeii